ISANG malakas na pagsabog ang yumanig sa buong kaharian ng apoy. Samantala, sugatan naman ang lahat ng kawal na kasama ni Heneral Mera. Wala na ring malay ang mga ito matapos silang tamaan ng malakas na atakeng iyon ni Zeus. Nagkaroon din ng malalim na hukay ang lupang kinatatayuan nila. Nagawa namang makatayo ni Mera pagkatapos noon pero sugatan na siya at nanghihina. Ramdam din niya ang kirot ng pinsalang idinulot sa kaniyang katawan. Sira na rin ang suot niyang baluti sa kaniyang katawan dahil doon.
"H-hindi i-ito... ma-maaari..." sabi niya habang nakatingin sa direksyon ni Zeus. Pasalamat na rin siya dahil naglaho na ang higanteng nilalang na kuryente sa likuran nito. Humihina na rin kasi ang aura niya at hindi na niya kakayanin kapag naulit ang malakas na atakeng iyon sa kanila.
"Z-
