Inabutan ko siya ng kape. May tama na kasi siya. Nagpasya ng matulog si Mama matapos niyang ihatid sa gate ang kanyang mga amigas. Si Vernon naman ay pinauwi na ni Tito Robin sa mansyon dahil sa hindi ko alam na kadahilanan. Hinilot niya iyong kanyang sentido bago tinanggap iyong kape. Akala mo naman kasi ay pamilyar siya sa iniinom niya.
"Masyadong pasikat ka kasi. Masakit ano?" Panunuya ko.
Patuloy lang siya sa paghilot ng kanyang ulo.
"Ugh. Hindi naman ako lasing, I'm just tipsy. Calm down, Veronica." Sumimsim siya sa kanyang kape. "Ano ba yong tinira namin ng mga kaibigan ni Vernon?"
Umismid ako at umupo sa harapan niya.
"Lambanog."
"Wala bang pwedeng tambayan dito? Pahanginan ko lang sarili ko para maalis ang hilo."
Nginuso ko ang likuran ng ba
