Nanood siya sa akin habang nagluluto ako. Bumalik na ulit siya sa dati. Iyong mapang-asar at walang kwentang kausap.
"Iabot mo nga yung toyo." Utos ko sa kanya habang tinuturo ko iyong bote ng toyo na nasa likuran niya.
Ngumuso siya at kinuha iyon. Nilapag niya iyon sa aking harapan. Naglagay ako sa karne. Nanatili naman siyang nakatayo lamang doon habang nakatingin sa akin.
"Sleep here." Marahang sabi niya.
Siningkitan ko siya ng mata.
"Ikaw ah! Kababati pa lang natin tas gusto mo na agad akong chansingan." Iling ko.
Sumimangot naman siya at sinamaan pa ako ng tingin. Di ko na siya pinansin at hinayaan siyang magpaikot-ikot doon sa kitchen. Nagring ang kanilang telepono kaya sinagot ko iyon.
"Hello?" Panimula ko.
"Hi! Nandyan ba si Von?"
