Ilang beses na ibinukas at sara ni Rani ang kanyang mga mata na kaagad nasilaw sa tama ng liwanag ng ilaw ng nasabing silid. Pansamantlang na-blangko ang isipan niya. Nagpalinga-linga siya. Pilit niyang inapuhap sa kanyang balintataw kung ano ang huling nangyari sa kanya at kung bakit siya nasa lugar na iyon. Kaagad siyang napakislot nang maalala na nagtungo nga pala siya ng operating room upang simulan na ang pagpapanggap niya bilang si Danielle.
Nadagdagan pa ang kanyang pagngiwi nang maramdaman niya ang matinding kirot na nagmumula sa kanyang dibdib. Mabilis niya na iyong hinawakan gamit ang palad na mayroong kabit na dextrose. Halos maiyak na siya nang dahil doon, pilit niya lang iyong pinigilan sa pamamagitan ng pagkagat ng mariin sa kanyang pang-ibabang labi. Hindi niya alam na mat
