MARTHA
"MA'AM KUKUNIN niyo pa po ba?"
Ito ang wika ng saleslady at natitiyak kong narinig iyon ng dalawang lalaking ngayon ay nag-aagawan sa pulang dress.
Napapikit ako at sa loob-loob ko ay naiisip kong mapapahamak ako ngayon kung hindi ako makagagawa ng paraan para makatakas sa pwestong ito.
"Ma'am? Ano pong ginagawa ninyo?" Lumapit sa akin ang saleslady at nagtatakang nagtanong.
Sasabunutan ko ang babaeng ito kapag hindi pa rin tumigil.
"Pwede mo bang sawayin ang dalawang iyon sa likod? Parang nag-aaway sila." Imbes na nerbyosin ay naging kalmado lang ako sa pag-uutos sa kanya.
"Hala, oo nga!" Agad siyang umalis at nagtungo sa kinaroroonan nina Hector at Arthur.
Dahan-dahan akong umalis na parang walang nangyari. Agad akong nagtungo sa fitting room at bago makarating ay humablot
