HECTOR
HABANG karga ko ang aking anak ay sumunod ako kay Arthur hanggang sa parking lot ng mall.
Halatang pagod na ang anak ko dahil tahimik na siyang nakasiksik sa aking leeg.
At dahil mas malayo ang parking area kung nasaan ang kotse ni Arthur ay minabuti ko na lang munang iwan sa sasakyan ko si Hercules.
"I'll be back, big man. I'll just get your things, okay?" Inayos ko ang pagkakaupo niya sa harapan.
"Okay tatay." Mahina ang boses ng anak ko at pagod na ang matang tumingin sa akin.
"Okay, I'll be quick." Ginulo ko ang kanyang buhok saka ako nagsara ng pinto at naglakad na patungo sa kinaroroonan ni Arthur.
Ilang sandali pa ay nakarating na ako sa kinaroroonan ni Arthur. Nakatayo siya sa tapat ng kanyang sasakyan habang hawak ang isang maletang itim na naglalaman ng mga gami
