(Saper’s Pov)
Napatingin kaming lahat sa tinuro ni Mommy. Walang iba kundi si Carmela. Tumingin ako sa mukha ni Carmela. Wala akong mababasak na takot mula sa babae. Aba! Matapang yata ang babaeng ito.
Sa totoo lang ay inis ako rito lalo at nakikita kong iba ang traso sa kanya ni Calyx. Malaman ko lang na ito ang babae ni Calyx ay titiyakin kong may paglalagyan ito.
“Alam kong hindi siya si Saper! Huwag ninyo akong pinagloloko!” malakas na sigaw ng lalaki. Ngunit nakita ko ito na may kinuha sa bulsa ng pantalon nito. Hanggang sa ipakita sa akin ang picture ko. Nanlalaki tuloy ang aking mga mata dahil sa gulat. Abot-abot din ang kabog ng aking dibdib. Baka nga patayin ako ng hayop na ito.
Wala pa naman dito si Calyx. Kakaunti lang ang tauhan na naiwan dito. Tumingin din ako sa mga tau
