TWELVE: "Inactivity..."
"DAMN it, Sasha! Where the heck are you right now?! Saan ka ba nagpupunta at nawawala ka raw sa bahay ninyo! Nag-aalala kaming lahat sayo!" singhal ni Celine mula sa kabilang linya nang sagutin ko ang tawag niya.
Pagkalabas ko ng Cavite no'ng gabing tumakas ako sa bahay, nagpasya akong mag-check in muna sa pinakaunang hotel na nakita ko para matulog at doon na lamang magpalipas ng gabi.
Maaga pa akong nagising kinaumagahan nu'n, mga alas singko palang at hindi pa lumilitaw ang araw, para makapagbiyahe ulit hanggang sa napadpad ako sa San Pablo City. Pagkarating ng San Pablo, wala na 'kong sinayang na oras para maghanap ng pansamantalang matutuluyan.
Mabuti nalang at nakahanap din ako ng affordable na apartment. Syempre, hindi kasing gara ng nakalakihan kong baha
