Nauna akong lumabas sa elevator. Mabilis ang lakad ko at hindi na nakapagpaalam ng maayos kay Sil. Nakita ko sa glass wall ang repleksyon ko at ng taong sumusunod sa akin. Nilingon ko siya at tama nga ang hinala ko. Siya iyon. 'Yong lalaki sa elevator.
Diretso ang kanyang tingin sa akin ngunit mabilis ring nag-iwas ng tingin. Wala pa rin siyang reaksyon sa mukha. Naglakad ulit ako at pumasok na sa office. Dumiretso ako sa cubicle namin at umupo doon. Ang maingay na paligid ay biglang tumahimik ng bumukas ang double doors at pumasok iyong lalaki. Lumibit ang kanyang tingin sa paligid at nahagip ng paningin niya ang akin.
"Ay shet." Bulong ni Glecelle na nanginig pa ang hawak na kape ng makita iyong nasa sa harapan namin.
Nagbulung bulungan na ang lahat at pawang namamangh
