Kahit gusto ni Larwin Ross na sabayan ko siya sa pag-inom dito sa bar ay hindi ko ginawa. Ipinagpilitan ko sa kanya na may trabaho ako na dapat na gawin at iyon ay ang bantayan at protektahan siya. Mukhang natauhan naman ang gago kaya hindi na namilit na painumin ako ng alak. Pero mukhang hindi siya komportable na uminom na mag-isa kaya nag-order siya ng juice para sa akin.
“You know what?”
Napalingon ako sa kanya nang muling magsalita siya. Habang napaparami ang naiinom niya ay mas nagiging madaldal siya. Mabuti naman sana kung matino ang mga sinasabi! Pero hindi at puro kamanyakan ang lumalabas sa bibig niya! Kanina pa talaga ako nagpipigil na patulan siya at paluin ang bibig!
“Ano na naman?” Kunot ang noong tanong ko.
Kanina pa may lumalapit na mga babae sa table namin. Hindi matapo
