Tahimik na tahimik ako at patingin tingin lang kay Darwin habang naglalakad kami palabas sa department namin para lumipat sa department nila. Nasabi na sa akin ni Thea ang tungkol sa magiging training ko pero hindi ko akalain na si Darwin ang personal na magtettrain sa akin para sa trabahong ito.
Parang gusto kong mapasapo sa noo habang iniisip ang mga kasinungalingan na sinabi ko kay Larwin kanina. Kung kailan sinabi ko sa kanya na crush ko si Darwin ay saka pa nangyari ito. Paano na lang kapag nalaman ni Larwin na si Darwin ang magtetrain sa akin sa trabaho?!
Siraulo pa naman ang lalaking ‘yon! Baka mamaya ay sabihin niya pa kay Darwin ang mga sinabi ko! Magkaibigan pa naman sila at malapit na malapit sa isa’t-isa!
Pumasok kami sa department nila Darwin at pinakilala niya ako sa mga n
