Hindi rin nagtagal si Larwin sa bahay ng mga Mijares. Pagkatapos niyang pasakitin ang buong katawan ko ay umuwi siya at sinabing babalik na lang mamayang hapon kapag nagsimula na ang party para kay Louise. Kagaya ng sinabi ni Larwin ay may magaganap na pool party dito sa mansyon ng mga Mijares mamayang gabi. Mukhang mahilig ang lahat ng mga kamag-anak nila na mag-swimming at halatang halata iyon sa luwang ng pool area nila dito sa mansyon.
Buong araw ay ang pool area ang inaayos at inaasikaso ng mga helper ng mga Mijares. Ang sabi ni Ma’am Lady ay pupunta rin sila sa Spain ngayong buwan para i-celebrate doon ang birthday ni Louise at ng iba pang anak ng mga Mijares. Ang celebration ng birthday ni Louise dito sa Pilipinas ay hiniling lang daw ni Mrs. Ross at ng parents nila Boss Jared kaya
