Balik kami sa dati kinabukasan at ng mga sumunod pa na mga araw. Parang walang nangyayari sa amin gabi-gabi o kung minsan kapag nasa mood siya dahil kulang na lang ay mag-usok siya sa sobrang lamig pagkatapos niya akong galawin.
Tinanggap ko na lang ang mga nangyayari kahit lagi niyang sinasabi pagkatapos niya sa akin na si Raine pa rin ang mahal niya. Masakit syempre pero iisa lang ang tumatakbo sa isip ko sa mga sandaling iyon. Mahal ko siya kahit na may mahal na siyang iba. Wala na akong pakialam kahit galawin niya ako sa kung anumang oras niyang maibigan. Malay ko kung ang katawan ko ang maging daan para mapatawad niya ako o kaya mahalin ulit.
Busy ako sa pagluluto nang marinig ko ang pagtunog ng cp ko. Tumatawag ‘yung sponsor ko. Ilang araw na ring iniiwasan ko ang mga tawag niya. N
