ALA SYETE na ng umaga nang magising si Zhamara. Biglang sumama ang pakiramdam niya kagabi kung kaya't napagpasyahan niyang hindi na lang muna pumunta sa sakahan at magpahinga na lamang. Pero dahil ayaw niyang manatili sa loob ng silid ay naisipan niyang lumabas. Mas mabuti pang maglakad-lakad kaysa sa manatili sa silid niya at walang ginagawa.
Naabutan niya si Nanay Rita na nagpapaligo ng mga aso. Nakangiti siyang lumapit rito. Mabilis naman na tumakbo papunta sa kanya ang mga aso at kinurot ang mga pisngi nito.
"Hindi na ba masama ang pakiramdam mo, iha?" tanong nito sa kanya.
"Hindi na masyado, Nay. Pupunta lang po muna ako sa may talon. Masarap lumangoy kapag malamig ang tubig."
"Oh siya. Mag-iingat ka iha. Bumalik ka kaagad para kumain ng agahan. Nagluto ako ng gulay kaya kumain
