WALANG ganang bumangon si Zhamara mula sa kama niya. Dahan-dahan siyang nag-unat ng katawan habang humihikab. Kinusot-kusot niya ang mga mata niya at saka tumingin sa wall clock ng kwarto niya. Malakas siyang nagbuntong-hininga nang makita niyang mag-aalas otso na ng umaga.
"Ang bigat ng pakiramdam ko," mahinang bulong niya at saka muling pabagsak na humiga sa kama.
Muli niyang ipinikit ang mga mata niya at tinakpan pa gamit ang braso niya dahil nasisilaw siya sa liwanag. Nang hindi makontento sa braso niya ay kinuha niya ang isang unan at itinakip ito sa mukha niya.
Kaya matamlay siya ngayon at walang ganang lumabas ay dahil mag-iisang linggo na niyang hindi nakikita si Marcus. Naging busy na naman kasi ito sa project na hinahawakan nito. Kailangan nitong makipagkita sa ibang busine
