KAKATAPOS lang maligo ni Marcus nang marinig niyang may ugong ng sasakyan na paparating sa bahay ni Zhamara. Nakauwi na sila kagabi at nandito siya sa kwarto kung saan siya palaging natutulog. Kahit na may nangyayari na sa kanilang dalawa ni Zhamara ay gusto pa rin niyang irespeto ang private space nito.
Magkasintahan pa lang naman sila, hindi pa naman kasal. At saka sa palagay niya, mas mabuting sa ibang silid na lang muna siya matutulog dahil alam niya sa sarili niya na hindi niya mapipigilan ang sarili niya kapag nasa tabi niya ito.
Kunot-noo siyang sumilip sa labas ng bintana. Biglang may lumabas na isang lalaki pero hindi niya makita ang mukha nito. Hindi pamilyar sa kanya ang kotse kaya napaisip siya kung sino kaya ito.
Pagkatapos niyang magbihis at magsuklay ng buhok ay agad si
