NAKANGITING pinagmasdan ni Zhamara ang papalayong likuran ni Ryan. May ibang bisita na naman kasing dumating kaya kailangan nitong harapin at kausapin. Nilingon niya si Marcus na nasa tabi lang niya at napangiwi siya nang makitang nakasimangot ito at mukhang wala sa mood. Kakausapin na sana niya ito pero bigla niyang nakita ang dalawang dati niyang mga kaklase.
“Zhamara! Oh my God! Long time no see. Kumusta ka na ba?!” masiglang bati ng isang dating kaklase na ang pangalan ay Niña.
“Ayos lang naman ako. Kayo ba? Kumusta ka na Angel?” nakangisi niyang tanong sa isa pang dating kaklase.
“I’m very fine, Zhamara. I just came back from Davao. Doon kasi ako na-assigned as a Doctor. Eh nakasalubong ko si Ryan sa supermarket last week and so, he invited me,” sagot ni Angel at saka binalingan
