Lucifer Rage (Tagalog)

EPISODE 4

LUCIFER

“LUCIFER, halika rito.” Tawag sa akin ni Ate. Inilagay ko muna sa gilid ng pinto ang mop na hawak ko.

“Bakit po, ate?” Tanong ko nang makalapit ako sa kanya.

“Masakit ang likod ko hilutin mo.”

“Sige po, ate.” Pagpayag ko. Ayoko naman magalit siya kung hindi ko susundin ang gusto niya. Pumasok kami sa isang silid.

“Ito ang gamitin mong oil para ipampahid sa likod ko. Siguraduhin mong maayos ang paghihilot mo kundi sasamaan ka sa’kin,” ani ate binigay niya sa akin ang isang bote ng oil kinuha ko ‘yon.

Sinimulan ko nang lagyan ng oil ang kaniyang likuran. Nanginginig pa nga ang kamay ko nang dumampi sa kaniyang balat ang aking mga palad. Hinagod ko pababa at pataas agn aking mga palad.

“Punyeta! Wala bang lakas iyang kamay mo parang walang humihilot sa aking likod!” Galit na sabi niya.

“Pasenasiya na po.” Hinging paumanhin ko. Kahit takot at kinakabahan ay ipinagpatuloy ko ang paghihilot sa kaniya. Isang oras din ang ginawa kong paghihilot na halos sumakit ang mga palad ko. Nakatulog na rin si ate.

Inayos ko ang kaniyang kumot at saka ako lumabas ng silid niya. Nang makalabas ako nakahinga ako ng maluwag. Nakasalubong ko si ate Eli na may dalang tuwalya.

“Ano’ng ginawa mo sa silid ni madam?” Tanong niya. Nahihiyang nagkamot ako sa ulo ko.

“Inutusan niya kasi akong hilutin ang likod niya at pati na ang mga kamay at paa.” Sabi ko. Bigla akong nilapitan ni ate Eli. Napakunot noo pa ito at hinawakan ang kamay ko.

“Sabihin mo may ginawa bang kahalayan ang matabang iyon? Sabihin mo reresbakan natin! Diyos ko! Ang tanda na nga napakahilig pa. Phedophile ang matandang iyon!” Sabi ni Ate Eli. Mas lalo akong napakamot ng ulo.

“Wala naman po siyang ginawang masama sa akin. Promise, ate Eli, hinilot ko lang po siya. Halos isang oras din po iyon at nakatulog din agad.” Paliwanag ko.

Pero noong una naisip ko rin na baka gawan ako ng kahalayan dahil sa uri ng kanyang tingin sa akin. Sa totoo lola ko na siya kung titingnan. Hindi naman niya siguro ako gagawan ng masama. Halos apo na niya ako.

Napahawak pa sa ibabaw ng kanyang dibdib si ate Eli at napahinga ng maluwag. “Diyos ko mabuti naman at walang ginawa sa iyo ang mataba na iyon. Kung hindi mo naitatanong mayroon na siyang minolestiyang mas matanda nga lang sa iyo ng dalawang taon. Naglayas ang pobreng binata at hindi na bumalik dito.” Sabi ni ate Eli habang napaiiling.

Napangiti ako. “Maraming salamat, ate Eli sa pag-aalala. Huwag po kayong mag-aalala dahil iingatan ko naman po ang aking sarili.

*****

ISANG linggo na ako rito sa club at wala pa namang masamang nangyayari sa akin kaya ipinagpapasalamat ko iyon.

Hapon na nang matapos ako sa paglilinis ng buong club. Maghahanda naman ako para tulungang mag-serve ang ibang waitress dito. Papasok na sana ako sa banyo para maligo nang tawagin ako ng amo ko.

“Bakit po, madam?” Tanong ko nang makalapit sa kanya. Natakot ako bigla sa tingin niya. Tiningnan niya kasi ako mula ulo hanggang paa ko at saka ngumisi.

“May ipagagawa ako sa iyo bago ka magsimula sa trabaho mo.” Anito sabay talikod. Hindi na ako nagtanong pa kung ano ang ipagagawa niya. Sinundan ko na lang siya, mukhang patungo kami sa kanyang silid. Bigla ay kinutuban ako. Ayokong isipin pero hindi ko maiwasang maalala ang sinabi ni ate Eli. Nabanggit niya kasing lahat ng mga nagtrabaho ritong mga lalaki na may hitsura ay minomolestiya ni madam. Kaya ang iba ay umaalis dahil hindi nila masikmura ang ginagawang kahalayan sa kanila.

Umaasa akong hindi mangyayari iyon sa akin. Umaasa ako na mabuti sa akin si madam at walang gagawing masama kahit hindi niya ako pakainin ng isang araw o walang bayad pa ang pag-stay ko rito ay ayos lang.

Nakapasok na sa loob ng silid nito si madam. Ako naman ay natigil sa harapan ng pintuan at nagdadalawang isip pa kung papasok ba sa loob o hindi.

“Pumasok ka na! Huwag mong hintaying magalit ako sa ’yo!” Galit na sabi nito, kung kaya pumasok na ako sa loob kahit may nararamdaman akong takot.

Nagulat ako nang makita ko si madam na nakasuot lang ng bra at panty. Napalunok ako. Ito na ba ang sinasabi ni ate Eli?

“Ano pang itinatayo mo riyan! Maghubad ka na at paligayahin mo ako ngayong gabi.” Gulat na gulat ako sa kanyang sinabi. Umiling ako at dahan-dahang umatras. Nakarinig ako ng pagsarado ng pinto kung kaya napalingon ako sa nakasarado nang pinto.

Napangisi si madam. “Sundin mo lang ako at magiging maganda ang buhay mo, Lucifer. At kung hindi mo susundin ang mga gusto ko makakatikim ka ng impyerno habang narito ka.” Pagbabanta nito sa akin. Unti-unting lumapit ito sa kinatatayuan ko. Ako naman ay unti-unti ring umaatras. Natigil lang ako sa pag-atras nang pader na ang nasa likuran ko.

“Hindi naman kita papatayin Lucifer, bagkus ipararanas ko sa iyo ang langit.” Anito at saka tumawa. Lumabas tuloy ang ngipin na sira sa harapan. Nanginginig ang buo kong katawan dahil sa takot sa gagawin sa akin.

“M-Madam, maawa po kayo sa akin. Gagawin ko naman po ang lahat ng trabaho na iniuutos niyo sa akin. Huwag lang pong ganito.” Tukoy ko sa paghawak niya sa pisngi ko. Nagtaasan ang balahibo ko sa katawan nang haplusin niya ang pisngi ko. Ramdam ko ang pagnanais niyang hawakan pa ang ibang parte ng katawan ko. Takot ang namayani sa akin. Kung ano-ano na ang pumasok sa isipan ko na baka may masamang balak siyang gawin sa akin. Sa isipang iyon ay nakaramdam na ako ng pandidiri.

Bigla niyang sinuntok ang dibdib ko, kung kaya napayuko ako sa sakit. “Wala kang karapatang umangal dahil pinapalamon kita rito. Pasalamat ka at tinanggap kita rito kahit wala kang experience sa kahit na ano! Binayaran kita kaya may utang kang dapat bayaran sa akin! Sundin mo ang mga gusto ko kung ayaw mong maging impyerno ang buhay mo rito!" Galit na sabi nito. Nag-init ang sulok ng mga mata ko. Akala ko magiging maganda ang buhay ko rito sa Manila, ngunit parang mas impyerno ang magiging buhay ko rito.

“Hubad!” Utos nito sa akin. Umiling ako at umatras ngunit hinawakan niya ang braso ko at mahigpit na hinawakan. Napangiwi ako sa sakit. Napabaling ang mukha ko nang sampalin niya ang pisngi ko.

“Ako muna ang makikinabang sa iyong katawan bago sila!” Anito. Nahintakutan ako nang maglabas ito ng patalim at itinutok sa aking leeg.

“Maghuhubad ka ba o itatarak ko sa leeg mo ang patalim na ito.” Sa nanginginig na mga kamay ay hinubad ko aking damit. Tumambad sa mga nagniningning niyang mga mata ang aking kahubaran ko. Ako na ang nahiya sa aking sarili dahil nasa harapan niya akong walang saplot. Napangisi ito sa akin.

“Susunod ka rin pala. Huwag kang mag-aalala masasarapan ka naman sa gagawin ko sa iyo.” Napapikit na lang ako nang simulan niyang hawakan ang aking hubad na katawan. Hinihiling ko na sana matapos na itong gabi. Gusto kong manlaban o tumakbo na lang ngunit naisip ko, saan naman ako pupunta?

Tatanggapin ko na lang kung ano'ng kapalaran meron ako rito sa casa. Pumatak ang luha ko. Naiiyak ako sa buhay na nakasadlakan ko. Impiyerno. Iyon ang tamang salita sa lugar na ito.