Nagsikip ang dibdib ni Isla nang humakbang palapit ang tinawag na Kinsley at dumerecho sa mga bisig ni Alpheus. Gustung-gusto niyang lingunin ang dalawa pero natakot siya. Naduwag siya.
Sa unang tingin niya pa lang kasi rito ay nanliit na siya. Halatang mayaman ang pamilyang pinagmulan ni Kinsley. Even the way she walks seemed to be carefully calculated. Tamang hakbang na bumagay sa mabining pag-imbay ng mga baywang nito.
Ito pala ang hitsura ng babaeng ayaw ikuwento sa kanya ni Alpheus. Kaya pala kahit na hindi sumipot sa engagement party ang dalaga ay okay lang sa binata. Lalo na’t marami sigurong pumipila makuha lang ang atensyon ng dalaga. At siya… ano ba ang laban niya? Even before she met Alpheus, she was already regarded as inadequate. Kaya nga iniwan siya ng nobyo niya at ipinag
