Nagtataka si Isla kung bakit nagkukumpulan sa labas ng opisina ni Alpheus ang iilang matataas na opisyal ng kompanya. Maging ang sekretarya nito ay nasa labas din. Kagat-kagat ng sekretarya ang kuko nito at panay ang paghugot ng hangin na tila hindi mapakali at kinakabahan. Ganoon din ang iba. Nagtutulakan ang mga ito kung sino ang mauunang pumasok.
Lumapit na siya. Curious, she tilted her head to one side in an innocent manner. “Naka-lock ba ang pinto?” takang tanong niya. Alam niyang kanina pa nasa opisina nito si Alpheus dahil nauna na naman itong umalis kaninang madaling araw palang.
Sabay na napatingin sa kanya ang lahat ng naroroon. “Isla! You’re a lifesaver!” bulalas ng sekretarya.
Nagsalubong ang kilay niya. “Bakit, ano ba ang nangyayari?”
Hinatak siya ng sekretarya at ipinuw
