Rylee
"ANO'ng ginagawa n'yo sa pamangkin ko?"
Mabilis kong inangat ang aking ulo nang marinig ang isang boses ng babae. Pero hindi ko siya makita dahil sa mga lalaking nakaharang sa harapan ko.
"Pamangkin mo siya, Aling Marla," tanong ng isang lalaki na payat at may tatoo sa kanang balikat. Lumingon pa siya sa akin kaya mabilis kong binawi ang tingin sa kanya.
"May problema ba roon, Turo?" Narinig ko ulit ang boses ng babae na tinawag na Aling Marla. "Tumabi nga kayo at tinatakot n'yo ang pamangkin ko."
Napalingon ako sa pinanggalingan ng boses. Hanggang sa tuluyan siya nakalapit sa akin. Nagtama ang aming mga mata at hindi ko alam kung bakit parang may humaplos sa puso ko nang makita na ngumiti siya.
"Sabi ko naman sa' yo hintayin mo ako," sabi niya na ipinagtataka ko lalo nang y
