HINDI na mabilang ni Maldita kung ilang beses siyang lumunok habang binabagtas ang daan galing sa kubo papunta sa main house ng Villa Brillante. Kabadong-kabado siya.
Madilim na ang paligid maliban sa mga solar-powered garden lights na nakalagay sa gilid ng makipot na daan. Tumawid siya sa wooden bridge ng malaking natural pool kung saan ang tubig ay nanggagaling sa mainit na bukal. Dinaanan niya rin ang hardin na may malalagong halaman at mga bulaklak.
Nang marating ang malaking bahay na gawa sa kahoy, humugot muna siya ng malalim na hininga bago pumasok. Maging ang sliding door niyon ay gawa sa kahoy na parang katulad ng mga ginagamit sa traditional Japanese and Chinese houses. In fact, the whole house was inspired by the east asian architecture.
Tahimik ang paligid. Tanging mga kul
