KANINA pa nakatitig si Daxton sa screen ng laptop habang pauli-ulit na pini-play ang lahat ng recordings ng pag-interrogate sa lahat ng staff ng Fuente Clara hangar noong taong 2011.
There was this specific person who caught his attention. Mailap ang mga mata nito habang sumasagot sa mga katanungan bagama’t wala namang kaduda-duda sa mga sagot nito.
Ilang beses pa ulit iyon pinanood ni Daxton hanggang sa buntong-hiningang tumayo siya at nagpalakad-lakad sa loob ng silid niya sa kanyang penthouse na minsan ay inuuwian niya kapag kailangan niyang mapag-isa o may mga kailangan siyang gawin na confidential kagaya na lamang ngayon.
Mayamaya, dinampot niya ang kanyang cellphone na nakalapag sa bedside table at tinawagan ang numero ng dating janitor ng hangar.
“Hello?” sagot sa kabilang l
