ISANG buwan na ang nakalipas.
Nakalipas na rin ang pasko at bagong taon na hindi ko na nakita pa si Terrence. Inaamin ko na nami-miss ko siya pero matinding pagpipigil sa sarili ang ginawa ko para hindi pumayag na makipagkita sa kanya. Madalas niyang kinukulit sa tawag, text at chat si Crizsa at dumating na nga sa punto na ni-block niya ang numero nito at maging sa social media. Hindi na rin ako bumalik sa school noon kinabukasan. Kinausap na lang nila Sir Edward ang profesor ko na mag-home schooling na lang ako. At dahil ayaw ni Crizsa na mag-isa lang ako dito sa bahay ay sinabayan niya ako.
Tamang-tama naman na same course lang kami at same lang din ng year.
Boring pero kinakaya ko. Laking pasalamat ko pa rin sa kanila dahil gumawa pa talaga sila ng paraan para lang maipagpatuloy ko
