Alessia
Makalipas ang dalawang linggong pagpapagaling ay mabilis na nawala ang aking mga sugat pati na rin ang aking mga pasa. Naigagalaw ko na rin ng mabuti ang aking paa at wala na rin ang sakit na aking nadarama sa aking leeg. Pero kahit na magaling na ako ay kung ituring ako ni Vincent ay para akong baldado.
Ilang beses ko naman nang sinabi sa kanya na kaya ko na ang maglakad pero hindi pa rin siya naniniwala sa akin. Kinikilig din naman ako pero kadalasan ay gusto ko na lang talaga siyang batukan para matauhan siya at maniwala siya sa akin. Katulad ngayon na kumakain kami ng almusal ay imbes na bumaba kami sa mismong resto ng hotel ay nagpadala na lamang siya ng pagkain dito sa hotel.
Gusto ko na rin sanang lumabas para naman ma-exercise ko ang aking mga paa lalo na at dalawang
