Joyce's POV
Isang linggong mahigit na kami dito sa Bedford England. Sinisimulan na ni kuya ang malaking pagbabago na gagawin niya sa amin ni Celestina. Dumating ang mga tinawagan niya na professional daw na magtuturo sa amin ng tamang etiquette. Pinaayos din ang pananamit namin at maging ang tamang posture sa paglalakad ay itinuturo na din sa amin. May kakaibang accent ang mga british katulad ni kuya kaya naman maging ang accent nila ay itininuturo na rin sa amin. Mas okay daw 'yun sabi ng kuya namin upang mas madali daw kaming makapag communicate sa mga tao dito lalo pa at dito na kami maninirahan ng tuluyan.
Mabait naman ang nagtuturo sa amin, isa din siyang Filipina na may lahing briton. Tinuturuan na nga rin niya ako ng tamang catwalk at kahit nahihirapan ako ay kinakaya ko naman.
