Pagkatapos ng photoshoot ay nakamasid pa rin ang matatalim na tingin ni Macy sa akin. Tss. Ano na naman bang ginawa ko sa kanya? Bida-bida talaga.
"Let’s go."
Tinanguan ko si Rick at sumunod na sa kanila. Hanggang ngayon ay hindi ko matignan ng maayos ang mga tao roon dahil sa ginawang panggugulo ni Teron. Mabuti nalang at hindi na siya gumawa ng nakakahiyang aksyon pagkatapos no’n.
"Ha? Aalis na kayo? May dinner party pa ah," pigil ni Clint sa amin
"Magkakaroon din ng official photo roon kaya 'wag na kayong aalis," sabi naman ng lead camera man na lumapit na rin sa pwesto namin.
Napilitang tumango ang dalawa at bumalik sa pwesto namin. Nanatili ang mga mata ni Teron sa akin hanggang tuluyang matapos ang lahat. Ano na naman kaya ang trip ng isang ito? Sinabi ko ng ayaw ko ng issue!
P
