Napangiti si Darius sa narinig na tanong ni Kendra. Tinignan ito pero nakatuon ang tingin sa harapan kaya hinawakan niya ang kamay nito. Doon ay lumingon ito. "Kailan mo gusto?" matiim na tanong nito.
"Iuuwi na muna kita. Sasabihin ko na lamang sa'yo," aniya rito. Ayaw niya namang biglain ito kaya hahayaan na muna niya ito.
Hindi umimik si Kendra hanggang maramdaman niyang naandar ang magara nitong sasakyan. Kapwa tahimik sa loob ng sasakyan. "Why are you doing this?" hindi mapigilang tanong ni Kendra sa lalaki. "Alam kong lahat ng babaeng gusto mo ay nakukuha mo. Why—" putol ng sumabad ng lalaki.
"'Cause I like you," deretsahang turan nito. Napipilan si Kendra sa narinig buhat rito. "The moment I first saw you, I know that I like you," ulit pa nito. Naalala ang araw na una silang nagk
