CHAPTER 11
Nang nag-ingay ulit ang tiyan niya ay nag-isang linya ang kilay niya. Napaka-ungentleman talaga mg damuhong ito. Ginutom siya sa kahihintay!
"Oo, ako. Ikaw pala ang blind date ko. Sige, have a good night. Mauuna na ako sa iyo, tutal nauna naman akong dumating sa iyo, e." Puno ng sarkasmo ang tinig at nagmartsa na palabas nang bigla siyang pigilan sa braso ni Ryu.
"Teka lang. S-sorry. Akala ko kasi kung sino na namang babae ang kinaladkad ni Saireen. Kumain muna tayo bago umuwi."
Bumusangot siya. Kung hindi lang siya gutom talagang gagantihan niya ang singkit na ito. Mag-date itong mag-isa! Pero mag-iinarte pa ba siya gayong panay na ang ingay ng tiyan niya.
"Pasalamat ka't gutom ako," mariin niyang sabi at inirapan ang lalaki. Pinigilan niya ang magdabog nang bumalik siy
