WALA si kaya madali sa dalawa ang tumakas. Siyempre kaunting drama lang ni Saireen at suhol sa kanilang katulong para hindi nito tawagan ang kapatid.
Papaalis na ang yate nang dumating sila ni Saireen. Pansin niyang hindi mapakali si Sai pero hindi na muna siya nagtanong kung ano ang bumabagabag dito. Mamaya na pagdating nila sa kanilang cabin. Nasa harap na siya ng kanilang cabin nang mapansing wala sa likuran niya ang kasamang dalaga.
Nataranta siya nang wala sa oras. Umuusad na sa dagat ang yate. Mabilis niyang inilagay ang mga bagahe niya sa loob at nagdesisyong hanapin si Sai. Pero bago pa siya makalabas ay siya namang pagbukas ng pinto ng banyo. Halos mapatili siya sa gulat nang lumabas doon ang hubo't hubad na lalaki.
Wala itong saplot kahit man lang sana tuwalya o roba. Kitan
