WALANG katapusang shopping ang ginawa nila ni Saireen sa buong maghapon. Mga bandang alas-tres nang ayain siya ulit nito para magpa-Salon. Pagod na pagod siya pero hindi siya puwedeng umayaw dahil sa takot na hindi sahuran ni Ryu. At hindi naman siya nalugi sa pagsama sa sosyalerang dalaga dahil tulad din kaninang nag-shopping sila, nilebre siya ulit nito sa facial snd hair treatment.
Hindi naman sa tuwang tuwa siyang nililibre ni Sai, inaawat nga niya ito simula pa sa shopping mall kanina nang bilhan siya ng mga mamahaling mga damit. Signitured clothes pa man din ang mga binili para sa kaniya. Ang mamahal. Iniisip niyang hahaba ang ilang buwang usapan nila ng kapatid nito sisingilin siya sa nagasto niya ngayong araw.
"Kailangan nating magpaganda dahil may pupuntahan tayo mamayang gabi
