Nakailang mura na ang lumabas sa bibig ni Ryu habang binubukalkal ang mga folder at envelopes sa kaniyang study table. Nagtapon na sa sahig lahat ng mga papel mula sa drawers at file cabinets.
“Damn it!” Badtrip na siya dahil halos maghapon na siyang nagkakalkal sa loob ng pinaka-opisina niya sa bahay pero hindi niya makita ang invoice ng TSL. Kailangan iyon dahil nagkaroon ng problema sa isang shipment nila patungong Singapore. Malaki ang mawawala sa kompanya kung hindi makita ang talaan.
“Manang Nora!” Hindi nakatiis ay tinawag niya ang bagong katulong. Wala siyang problema sa dating maid dahil hindi iyon nangingialam ng mga papel sa ibabaw ng mesa niya. Itong bago ang nuknukan ng tigas ng ulo dahil makailang ulit na niyang pinagsabihang huwag magtapon ng kahit anong papel mula sa me
