Napasabunot si Ferra sa ulo. Nasa mini bar siya at kasalukuyang sumimsim ng alak sa isang kopita. Nagtaka ang mga kawaksi nang makita ang kanilang amo na Montenegro. Hindi nito ugali ang uminom ng alak. Umiinom lang ang dalaga kung may okasyon.
Napasulyap si Ferra sa mga kawaksi at pinukol niya ang mga ito nang matatalim na tingin. Nagkukumahog namang nagsibalik sa kani-kanilang mga trabaho ang mga ito. Ang problema niya ngayo'y, hindi niya makontak ang lintik na matandang chinese na 'yon! Sa inis niya'y ibinato niya ang kopita at nabasag, nagkapira-piraso iyon.
"Linisin ninyo ang kalat! Mga bwesit kayo!" asik niya sa mga ito, saka siya tumayo at nilisan ang mansion, nagmamadali siyang tinungo ang kaniyang kotse, kailangan na niyang makaalis sa pesteng lugar na ito. Kailangan niyang ma
