The Unbeatable Superstar
By: Joemar Ancheta
Chapter 41
Kailangan kong makilala at makapasok sa mundo ni Brad. Kung ito lang ba ang paraan para muli naming madugtungan ang kuwento ng aming pagmamahalan ay gagawin ko. Baka sakaling kung nasa iisang mundo na kami ay mas madali na lang sa amin ang lahat. Mahal ko siya , hindi ako basta-basta susuko.
May mga bagay talagang kahit anong pilit gawin ng utak kung hindi iyon isinisigaw ng iyong puso, darating ang panahon na ang kagustuhan pa rin ng iyong damdamin ang iyong sinusunod. Marahil nga, sadyang may katigasan ang aking ulo. Sa kabila ng sakit na napagdaanan ko kay Bradley, nandito ngayon ako at gumagawa ng paraan para mapalapit sa kanya at pumasok sa mundong kinabibilangan niya. Iyon lang kasi ang tanging pag-asa ko para matapatan ko si
