CHAPTER 48
"Miley at Mariel, isa sa inyo ang kailangan ng magpaalam sa kaniyang mga kasamahan. Ang unang babanggitin ko ng pangalan ay ang ligtas sa gabing ito at ang hindi ko babanggitin ang siya nang tuluyang lalabas sa bahay ni Kuya." Isa muling katahimikan na para bang sinasadya talagang palakasin ang kabog sa aming dibdib ni Miley. "Ang ligtas sa gabing ito at puwede nang tumabi sa mga kasamahan niyang hindi nominado sa linggong ito ay ikaw......Miley. Mariel, magpaalam ka na sa mga kasamahan mo dahil naghihintay na ang Nanay mo dito sa labas para sunduin ka.
Nakahinga ako ng malalim at ganoon din si Miley. Niyakap namin si Mariel at inihatid sa pintuan ng bahay ni Kuya. Ang sumunod na naevict sa sumunod na Linggo ay si Luvi ng Laguna. Pangatlo ay si Philip. Hindi na muli pang na
