CHAPTER 26
Pumayag naman sina Papa lalo pa't bakasyon ko daw naman. Malayo-layo din ang aming nilakbay bago kami nakarating sa kanilang set. Pagbaba namin sa kaniyang sasakyan ay sinalubong kaagad kami ng ngumangawang Manager niyang si Edu.
"Diyos ko naman Brad. Nauubusan na ako ng pasensiya. Ako ang inaaway nila kahapon pa. Sa akin nagagalit ang Director at Producer. Ano na bang nangyayari sa'yo. Hindi ka naman ganyan dati. Aatakehin ako sa puso sa'yo. Please Bradley. Ayusin mo naman muna ang pagsipot sa trabaho mo bago ang pakikipaglandian sa kung sinu-sino." Tumingin si Sir Edu sa akin nang sinabi niya ang pakikipaglandian. Kasabay iyon ng isang masakit na tingin.
"Ano pa ba ang pinag-iingay mo e, nandito na ako. Saka puwede ba? Huwag na huwag mong idamay si Shantel kung sa tingin mo
