CHAPTER 43
Hanggang sa isang araw ay kinatok ako ni Papa Zayn sa aking kuwarto at magbabakasyon na rin naman noon.
"Anak, may mga bisita ka sa baba." Huminga siya ng malalim. Umupo sa tabi ko na parang pilit niyang kinokontrol ang kaniyang emosyon. "Tiga PBB daw sila? Nagpa-audition ka sa PBB na hindi namin alam? Paano mo nagawang magdesisyon para sa iyong sarili na hindi namin alam ng Mama Sheine mo?"
Hindi ko alam kung kailangan kong matuwa dahil ang pagbisita ng PBB ay siyang patunay na nakapasok nga ako ngunit ang sinabing iyon ni Papa Zayn ang gumising sa akin sa katotohanang naisasantabi ko na naman sila sa pabigla-bigla kong desisyon. Yumuko ako. Hindi ko kayang iharap sa kaniya ang aking mukha lalo pa’t nakita kong hindi siya natutuwa sa aking ginawa.
"Pa, sorry. Dinaanan kasi
