CHAPTER 28
Lumingon siya sa paligid. Alam ko ang kaniyang iniisip. Magsasalita palang sana ako ngunit hinila na niya ako sa likod ng isang malaking puno. Mabilis niya akong niyakap at hinalikan sa labi. Napawi ng halik na iyon ang bigat ng aking kalooban sa mga nasabi ni Erin kanina.
"I love you Babe ko." Bulong niya sa akin habang mahigpit niya akong yakap.
"I love you too." Sagot ko.
"Tara na doon para maagang matapos ang mga eksena ko at maihatid kita sa inyo. Ayaw kong masira ang curfew mo na na ipinangako ko kanina kay Tito Zayn."
Bumalik kaming magkasama sa set. Lalong naging mas matalas ang titig sa akin ni Erin. Minabuti kong dedmahin na lang sila ni Sir Edu.
Nagsimula ang kanilang shooting. Mabilis na napag-aralan ni Brad ang mga linya niya. Ngunit may mga gusto si Direk
