CHAPTER 21
Hanggang sa nauna na ang picture taking bago ang kainan. Ang usapan ay natuon sa tsismis sa showbiz na maayos namang sinagot ni Brad. Kinikilig ako kapag panakaw niya akong tinitignan at nginingitian. Noon ko lang nadama kung gaano kasaya na kasalo na namin sa pagkain ang kaisa-isang lalaking minahal ko. Hindi na ako nahirapang ipakilala pa siya sa lahat dahil bukod sa sikat siyang artista ay napanood na din pala nila ang nangyari noon sa GGV na kung saan ay sinabi ni Brad na kababata niya ako. Alam kong malakas ang pakiramdam nina Papa Zayn at Mama Sheine tungkol sa tunay na estado ng relasyon namin ni Brad ngunit tulad ng dati, nanahimik na lamang muli sila. May tamang pagkakataon din para aamin ako sa kanila. Hindi pa napapanahon. Hindi pa hinog ang pagmamahalan namin ni
