Lucille’s Point of View
Natahimik ang klase at lahat ay nakatingin lamang kay Lawrence na mukhang naghahamon ng away kay Raiden. Ang malakas na pagtawa lamang ng katabi ko at ni Kevin ang maririnig mo. Hindi ko nga alam kung nakakahinga pa ba sila sa pagtawa nilang iyan.
“T-Teka lang, Lawrence, I think that’s impossible to happen—”
“Then make it possible.” Utos nito na siyang lalong ikinatawa ni David. Hinampas ko siya para tumigil na siya sa pagtawa niya. Tama ba namang tumawa ka sa isang seryosong sitwasyon?
Alam ko kung bakit siya nagtatawa. Dahil iba ang kinikilos ng kaibigan niya at hindi man sabihin ng iba ay alam kong konektado iyon kay Alexis at sa nangyari sa party.
Tumikhim si Raiden at tiningnan ng diretso si Lawrence. “Gustuhin ko mang tanggapin ang hamon mo, Mr. Salvatore
