KINABUKASAN ay maaga akong gumising at pumunta sa bahay ng parents ko para sana kunin ang cellphone kong naiwan na itinago ni mommy noong isang araw, dahil baka nag text o tumawag na ang manager ko tungkol sa commercial. Sa pagkakaalam ko ay bukas na iso-shoot ang gagawing commercial para sa bagong brand ng whitening lotion, at ako ang napiling mag endorse ng CEO ng kompanya. Pero pagdating ko sa bahay ay wala na si mommy at daddy, at tanging mga katulong na lang ang naabutan ko at bunso kong kapatid na nakaupo sa sofa at suot ang school uniform.
“Loraine, nakita mo ba kung saan nilagay ni mommy ang cellphone ko?” Tanong ko sa kapatid ko na busy sa kaka-text sa kanyang cellphone.
Napaangat naman ito ng tingin nang marinig ang tanong ko.
“I'm sorry but no. Pero ayon sa pagkakaalam ko ay
