Samuel’s pov
SA HALIP na magmukmok ay pumasok na lamang si Samuel sa kanyang trabaho. Kailangan may gawin siya. Ibabagsak niya si Hunter na hindi nito malalaman. Pasimple siyang nagtungo sa opisina ni Hunter. Mabuti na lamang at may duplicate key siya sa opisina nito. Pinagawa niya iyon noon upang nababantayan niya ang paghahanap nito kay Becca. Wala namang nakapansin sa kanya dahil halos magkatabi lang ang kanilang opisina. Isa pa ay noon pa naman talaga ay malaya na siyang nakakapasok sa opisina nito.
Hindi niya alam kung ano ang kanyang hinahanap sa loob ng opisina nito. Napansin niya ang laptop sa ibabaw ng table ni Hunter. Binuksan niya iyon. Nahirapan pa siyang buksan iyon dahil may password ng bigla niyang naalala ang pangalan ni Becca. Iyon ang tinipa niya sa keyboard ng kanyang
