DINALA ni Hunter si Becca sa Pangasinan kung saan ay nakabili siya ng resort. Balak niya iyong patayunan ng resort at plano niya ng pasimulan iyon ngayon na nagkita na ulit sila ni Becca. Inalok lang sa kanya ng isang kaibigan ang naturang resort kaya hindi naman siya nagdalawang-isip. Investment kasi ang kanyang ginagawa kapag nagkakapera siya dahil hindi naman habang-buhay ay nasa posisyon siya. Isa pa ay malaki rin ang naipon niya noon kay Melchor Perez. Maliban doon ay binigyan din siya ng ama ng malaking pera bilang share niya. Iyon ang ginamit niya upang malago ang kanyang mga ari-arian.
Wala pang kahit anumang nakatayong mga cottage maliban sa bahay na ipinatayo niya at sa kabilang bahagi naman ay bahay ng caretaker na kanyang kinuha upang pamahalaan ang nabili niyang ari-arian. Ma
