MAGKASAMANG pinuntahan ni Becca at Hunter ang doctor niya sa ospital na pinagtratrabahuan nito. Hindi siya malapit dito dahil kaibigan ito ni Patrick. Si Patrick naman kasi ang nasusunod sa lahat at bihira lang nito pakinggan si Samuel.
Hawak ni Hunter ang kanyang kamay habang naglalakad sila sa pasilyo ng ospital. Nanlalamig ang kanyang mga kamay. Umaasa siya na sana masabi sa kanya ng doctor ang kinaroroonan ni Fatima. Nasasabik na siyang makita at maalagaan ang kanyang anak. Hindi niya nga alam kung kumusta na ito sa poder ni Patrick. Hinding-hindi niya talaga ito mapapatawad kapag nagkataon. Magkamatayan na sila. Di bale na siya ang masaktan ‘wag lang ang kanyang mga anak.
“Nanlalamig ka?” tanong sa kanya ni Hunter. Napatitig ito sa kanya.
“Hindi ko mapigilan.”
“Laban nating dalawa
