Dark Chest

Dark Chest Chapter 19

“Magandang umaga, Kori,”bati ni Ariane sa akin. Isang ngiti ang aking itinugon bago ko sila binati pabalik.ㅤㅤㅤㅤㅤㅤㅤㅤ

“Magandang umaga, anak,”bati ng aking ina at yinakap ako. Ganoon din ang ginawa ng aking ama at hinalikan ako sa noo.ㅤㅤㅤㅤ

“Magandang umaga po sa inyo,”bati ko pabalik, “Ang aga niyo naman po yata pumunta rito, hindi po ba kayo pagod sa kasiyahan kahapon?”ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

Sabay kaming naglakad papalapit sa isang maliit na mesa na nasa dulo lamang ng veranda at umupo sa mga upuan na nakapalibot dito.ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

“Hindi naman masiyado. Nakakatuwa ang mga tao kahapon, kahapon ko pa lang sila nakita na ganoon kasaya ulit,”paliwanag ng aking ina. Ang mga mata nito ay nag-uumapaw sa emosyon, talagang sobrang saya niya para sa kaniyang mga mamamayan. Hindi ko rin naman siya masisisi dahil ilang taon na rin naman simula noong nagagawa nila ang ganitong klaseng kasiyahan.ㅤㅤㅤㅤ

“Ano po ba ang ginawa niyo kahapon pagkapasok ko?” Tanong ko sa kanila. ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

Umayos ako ng upo at tinignan sila. Ngayon ko pa lang nakita si Ariane na nakasuot ng ganitong klaseng damit. Hindi ako sanay na hindi masiyadong labas ang balat.ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

Inayos ng aking ina ang kaniyang damit, halatang-halata na medyo nahihirapan ito sa pag-upo pero tinulungan naman ng aking ama. Bakit ba kasi kailangan ayan pa ang kaniyang suotin gayong nandito lang din naman siya sa loob ng palasyo.ㅤㅤㅤㅤㅤㅤㅤㅤ

Tatayo na sana ako para tulungan siya pero tinignan ako ng aking ama at mabilis itong umiling. Tila ba ay sinasabi nito siya na ang bahala sa aking ina.ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

Tumango na lamang ako at umayos ng upo.ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

“Marami,”tugon ng aking ina at hinaplos ang damit nito. ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

“Talagang hindi mo na abutan ang malakas na tawanan ng mga tao at ang kanilang sayawan na ngayon ko pa lang nakita. Gusto ko sana nga ulitin iyon pero alam kong napagod na ang mga ito kahapon,”masayang kwento ni Ariane, muli na naman nitong inilabas ang kaniyang tsaa at ilang mga pagkain sa harapan namin.ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

Kakaiba talaga ang kapangyarihan ng babaeng ito. Kahit na ano man ang gugustuhin niyang makuha ay nakukuha niya. Magpapaturo nga ako kay Ariane, sigurado naman ako na tuturuan ako niyan. Alam ko rin na pagkatapos ng mga kasiyahan na ito, magiging abala ako sa mga pag-eensayo nito. Lalong-lalo na at ang aking mga magulang ang pinakamalakas na hari at reyna sa buong kontinente.ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

“Kailangan din naman nila ng pahinga, kapatid ko. Oo nga at sobrang saya sa pakiramdam na makita sila na sobrang saya at ganoon na lang kung mag-diwang pero alam din naman natin na hindi natin ito pwedeng araw-arawin. May mga hanap buhay ang ating mga mamamayan at kailangan nila itong daluhan para may pang-araw-araw silang makain,”paliwanag ng aking ina.ㅤㅤㅤㅤㅤㅤㅤㅤ

“Isa pa, Ariane. May araw din naman na mangyayari ulit iyan. Lalong-lalo na at nandito na si Kori sa ating kaharian, kama natin kung kaya ay lagi natin itong ididiwang.” ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ