Chapter 11
Sumakay sina Matilda at Zero ng kuliglig. Isa 'yong uri ng sasakyang pangprobinsya at pangbukid. Maingay pa naman ang tunog no'n habang nasa biyahe sila. Pakiramdam tuloy ni Matilda ay natanggal ang lahat ng tutuli niya sa magkabilaang tainga.
"Malayo pa ba?!" sigaw ni Matilda.
Nakababa na sila sa kuliglig at naglalakad na ngayon.
"Bakit ka nakasigaw? Magkalapit lang naman tayo, ah?" tanong pa ni Zero.
"Ha?! Ano? Nakasigaw ba ako?!" tanong pa ni Matilda.
Napailing na lang si Zero habang natatawa pa. Hinawakan niya si Matilda sa kamay at hinila na papunta sa taniman nila ng mga gulay mula sa hindi kalayuan.
"Magandang umaga," masiglang bati naman ni Zero sa mga nadaanan nila mga tauhan.
"Magandang umaga, Señor. Napakaganda naman pala ng nobya ninyo," nakangiting tugon p
