"Yes, Sir," sabay-sabay na sagot nila.
"Magsibalik na kayo sa mga trabaho ninyo!" utos ni Tyler sa mga ito.
Tila nakahinga naman ng maluwag ang mga maids at bodyguards nang makaalis sila sa bulwagan. Halos tatlong segundo lang wala ng ibang tao roon bukod kina Manang Nympha at Tyler. Ang dahilan kung bakit hindi natatakot si Manang Nympha kay Tyler ay dahil nagtrabaho na siya sa pamilyang Harrison sa loob ng dose-dosenang taon at nasubaybayan si Tyler na lumaki, at dahil dito ay malaki rin ang tiwala respeto nito sa kanya.
Nang makita si Tyler na galit na galit kay Lorraine, lihim na napailing na lang si Manang Nympha sabay buntong hininga. Naisip niya sa kanyang sarili na alam naman ni Lorraine ang ugali at kung ano ang kayang gawin ng kanilang batang amo, pero bakit nagawa pa rin nito
