"Bilisan mo, Ate Salve," may pagmamadaling sabi ni Cassie.
Pinayagan siya ng kaniyang ama na pumunta ng mall at mamili ng mga gusto niya. Ang totoo ay si Armando ang nagbigay ng pera na pang-shopping niya. Malaking halaga iyon.
Habang naglalakad sila sa mall ay hindi sila maiwasang lingunin ng mga tao, paano ba naman apat na nagtatangkarang mga lalaking may malalaking pangangatawan ang buntot nang buntot sa kanila. Mga bodyguard ni Cassie iyon, binabayaran ni Armando para bantayan siya at i-report dito ang mga ginagawa niya tuwing nasa labas siya.
"Te-teka lang, bakit mo ba ako minamadali? At saka bakit ito lang ang binili mo, ang dami-dami mo namang pera?" takang tanong ni Salve sa kaniyang alaga. Nagbayad ito sa counter ng isang pares ng sapatos na halata mong hindi maganda ang klase
