Nagkakagulo ang mga mamamayan sa bayan ng San Manuel. Humahangos kasing dumating ang mga tauhan ni Armando sa simbahan at ibinalita rito na tinambangan sila ng mga armadong lalaki at kinuha si Cassie sa kanila.
"Mga inutil! Mga wala kayong silbi! Bakit hinayaan niyo lang? Paanong basta na lang sila nakaalis ng hindi kayo lumaban?!" sabi ni Armando. Halos sumabog na ito sa galit.
"Hindi niyo ba nakilala ang mga dumukot sa anak ko?" tanong ni Hernando.
"Hindi po,Governor, balot na balot po ang mga mukha nila. Mabibilis po silang kumilos at mukhang sanay na sanay sa pakikipaglaban. Matataas na kalibre po ng armas ang mga dala nila," paliwanag ni Harold.
"Hindi niyo ba man lang natandaan ang plate number ng mga sasakyan na gamit nila?" tanong naman ni Armando.
"Wala pong plate number ang
