Pagbukas ni Cassie ng pinto ay tanging ilaw lang na nanggagaling sa lampara ang nagsisilbing liwanag sa buong silid. Biglang kumabog ang dibdib niya ng makita ang lalaki na nakahiga padapa sa kama. Wala itong saplot na pang itaas, ang pang ibaba nito ay pantalong maong. Nakakalat ang mga gamit nito sa sahig.
May kakaibang kaba sa dibdib niya. Likod pa lang ng lalaking iyon ang kaniyang nakikita ay kung bakit para bang humahanga na siya. Ang lapad ng balikat nito at ang ganda ng pangangatawan na halata mong alaga sa ehersisyo. Sa tingin niya ay matangkad na lalaki ito dahil ang mga paa ay lagpas-lagpas sa kama. Sa tantiya niya ay higit pa sa anim na talampakan ang taas nito.
"Huh! Ano na nga ba ang gagawin ko?" tarantang sabi ni Cassie sa kaniyang sarili.
Kanina bago siya umalis ay nagla
